Kushtet e Përdorimit

Pranimi i kushteve

Duke përdorur këtë faqe dhe duke bërë porosi përmes saj, ju pranoni kushtet e mëposhtme. Nëse nuk pajtoheni me to, ju lutemi mos e përdorni faqen për të porositur.

Përdorimi i faqes

Faqja ofrohet për përdorim personal, jo tregtar. Nuk lejohet kopjimi i fotove, teksteve ose dizajnit për t'i përdorur diku tjetër pa lejen tonë me shkrim, as përpjekja për të dëmtuar ose ngarkuar artificialisht faqen.

Çmimet dhe disponueshmëria

Çmimet mund të ndryshojnë pa njoftim paraprak. Çmimi që vlen për porosinë tuaj është ai që shfaqet në momentin kur e konfirmoni. Nëse çmimi i një produkti ndryshon ndërkohë që e keni në shportë, çmimi i ri ju shfaqet përpara se të vazhdoni.

Bëjmë çmos që fotot dhe përshkrimet të jenë të sakta, por ngjyrat mund të duken paksa ndryshe sipas ekranit tuaj. Gjendja e stokut përditësohet automatikisht; nëse një produkt mbaron pikërisht kur po porositni, ju njoftojmë dhe porosia anulohet pa asnjë detyrim.

Porositë

Çdo porosi konfirmohet me telefon para se të niset. Ne ruajmë të drejtën të mos e pranojmë një porosi nëse të dhënat e kontaktit janë të pasakta, nëse produkti nuk është më i disponueshëm ose nëse dyshojmë për keqpërdorim.

Pagesa bëhet në dorëzim. Nuk kërkojmë dhe nuk ruajmë asnjë të dhënë karte.

Stoku dhe produktet «Me porosi nga furnitori»

Një produkt pa stok shënohet «S'ka stok» dhe nuk mund të porositet. Përjashtim bëjnë produktet e shënuara «Me porosi nga furnitori»: ato i sjellim posaçërisht për ju, me kohë dërgese 2–3 javë dhe me parapagesë. Para parapagesës ju kontaktojmë me telefon; nëse afati nuk ju përshtatet, porosia anulohet pa asnjë detyrim.

Kthimi dhe garancia

Produktet e pahapura mund të kthehen brenda 14 ditëve nga pranimi. Filamenti dhe resina me paketim të hapur nuk kthehen. Defektet mbulohen nga garancia e prodhuesit. Detajet e plota janë te politika e kthimit dhe dërgesës.

Përdorimi i sigurt

Printerët 3D, makinat lazer dhe CNC kanë pjesë që nxehen, lëvizin ose lëshojnë rrezatim lazer. Përdorini sipas udhëzimeve të prodhuesit, me ventilim të mjaftueshëm dhe, për lazerin, me syzet mbrojtëse përkatëse. Nuk mbajmë përgjegjësi për dëme që vijnë nga përdorimi në kundërshtim me këto udhëzime.

Përgjegjësia

Përgjegjësia jonë kufizohet në vlerën e porosisë suaj. Nuk mbajmë përgjegjësi për vonesa që vijnë nga shërbimi i transportit ose nga rrethana jashtë kontrollit tonë.

Ndryshimi i kushteve

Këto kushte mund t'i përditësojmë herë pas here. Versioni që vlen për porosinë tuaj është ai i publikuar në momentin e porosisë.

Kontakti

Për çdo paqartësi na shkruani te support@3dprint.al, na telefononi te +383 43 754 564 ose përmes faqes së kontaktit.